《玻國Sucre之食到嘔都抵》
係南美講起食大家都一定首推秘魯，不過作為半個住係玻國sucre 兩星期既窮苦學生好想講，其實單單係玻國既sucre都有好多好野食，重要平價多多聲。
首推El patio 既salteñas!!!! 去得南美對empanadas 應該唔會陌生，而salteñas 絕對係高級版，因為入面係有熱屎辣辣既湯！濃湯加上外層鬆脆又有牛油香既餅皮，堪稱一絕。留意返，salteñas 只係朝早有得賣，El patio好近la plaza，幾乎每次去都有好多local朝聖，$8/1個靚早餐。(街市賣4蚊，但信我，呢間野完全值呢個價)
食完鹹野最好當然係去central market 飲tumbo同chirimoya果汁!!!Tumbo係玻國先有既生果，酸酸甜甜加奶榨汁超好飲!!!另外chirimoya 係南美先有既生果，甜到核爆，所以你會見到切開左既chirimoya 總有幾隻蜜蜂係上面開餐，又係加奶榨汁好飲到一個點。重點係tumbo juice$5/2杯，chirimoya juice $8/2杯。留意返當地人會用生水沖果汁，腸胃唔好既就自己唸啦。利申完全無事。
唔同地區都有唔同local野食，如果你無時間去Amazon唔緊要，因為係sucre你都可以食到玻國Amazon既美食。當中既幸運兒包括Sonzo/ Humintes/Masaco de plátano con queso/empanadas de arroz/chocolate beniano!!! Sonzo係芝士加一種只係生長係amazon既薯仔炭燒而成，隻味係高級版芝士麻薯波波。Humintes 係有d葉包住既粟米，不過食落好似糯米飯好好食！Masaco 你當香蕉蛋糕加芝士，好甜但又唔肥膩。Empanadas de arroz顧名思義就好似飯團，但又係加左好多芝士，出奇地好食。最後chocolate beniano 據說係用amazon入面可可樹既可可豆直接沖煮，飲完你唔會再想飲即沖朱古力。
當然係market 係街邊有好多10-15蚊港紙就食到既餐，都係好食既但就未至於會想食第二次。我搵到最平最平係10蚊包野飲/湯/主菜/甜品，當然你唔好禁大期望啦。其實只要細心留意，見多人就過去八八卦卦，去到邊都唔難搵到好野食既。最後最後祝大家食得開開心心，食過又覺得正既記得開心share!
Search